Lufta Rusi-Ukrainë: Zhvillimet më të rëndësishme të ditës
Në ditën e 246 të luftës Rusi-Ukrainë, Nacionale sjell një përmbledhje të shkurtër të ngjarjeve më kryesore që ndodhën.
- Vladimir Putin ka thënë se ka urdhëruar drejtpërdrejt ministrin e tij të mbrojtjes që të bëjë telefonatat me komandantët e lartë të NATO-s këtë javë në lidhje me shpërthimin e mundshëm të një “bombë të pistë” në Ukrainë.
- Në një fjalim të mbajtur sot, Putin pohoi edhe një herë se Rusia dinte "për një incident me të ashtuquajturën "bombë të pistë" që po përgatitej" dhe se e dinte "ku, po përgatitej". Megjithatë, ai nuk dha asnjë provë për komplotin e supozuar, i cili përfshinte mundësinë që pajisja të ngarkohej në një raketë Tochka-U ose një raketë tjetër taktike, të shpërthehej dhe më pas të "fajësohej Rusia".
- Presidenti rus, Vladimir Putin theksoi nevojën për të përmirësuar marrëdhëniet me vendet perëndimore, duke shtuar se Moska “asnjëherë nuk e ka konsideruar dhe nuk e konsideron veten armike të Perëndimit”.
- Putin e përdori fjalimin si një platformë për të sulmuar vendet perëndimore dhe "hegjemoninë e tyre" të supozuar, duke thënë se bota po përballet me dekadën "më të rrezikshme" që nga Lufta e Dytë Botërore. “Ne jemi duke qëndruar në një kufi historik: Përpara është ndoshta dekada më e rrezikshme, e paparashikueshme dhe, në të njëjtën kohë, më e rëndësishme që nga fundi i Luftës së Dytë Botërore”.
- Një orar i ri i ndërprerjeve të energjisë elektrike do të zbatohet në Kiev dhe zonën përreth gjatë ditëve në vijim, pasi dronët iranianë kanë shkaktuar edhe më shumë dëme në infrastrukturën energjetike.
- Autoritetet e instaluara nga Rusia në rajonin e okupuar të Zaporizhzhia-s urdhëruan të bëhen kontrolle telefonike për banorët vendas, duke njoftuar zbatimin e censurës ushtarake sipas dekretit të presidentit rus Vladimir Putin për ligjin ushtarak.
- Moska ka thënë se dispozitat e marrëveshjes së drithërave të Detit të Zi për të lehtësuar eksportet ruse të bujqësisë dhe plehrave nuk janë përmbushur dhe se ende nuk ka marrë një vendim nëse marrëveshja duhet të zgjatet.
- Perspektiva e luftimeve të ashpra për Khersonin, qyteti më i madh nën kontrollin rus, është afruar pasi forcat e Ukrainës po përparojnë gjithnjë e më shumë.
- Shtetet e Bashkuara nuk kanë parë asgjë që të tregojë se stërvitjet e vazhdueshme vjetore të Rusisë "Grom" të forcave të saj bërthamore mund të jenë një mbulesë për një aktivitet real, tha sekretari amerikan i mbrojtjes Lloyd Austin.
- Një depo nafte në qytetin Shakhtarsk të pushtuar është përfshirë nga flakët gjatë natës, me kryetarin e instaluar nga Rusia, Alexander Shatov, i cili pretendoi se zjarri ishte shkaktuar nga granatimet ukrainase të stacionit hekurudhor.
