Kuba goditet nga një tërmet i fuqishëm prej 6,8 shkallësh
Një tërmet i fuqishëm ndodhi të dielën në pjesën lindore të Kubës, duke dridhur ndërtesa në qytetin e dytë më të madh në këtë shtet, Santiago de Cuba, si dhe zonën përreth tij.
Sipas Vëzhguesit Gjeologjik të ShBA-së, fuqia e dridhjes ishte 6,8 shkallë të Rihterit dhe ndodhi në bregdetin juglindor, në provincën Granma, afër komunës Bartolome Maso, ku e kishte selinë qendrore gjatë Revolucionit Kuban ish-udhëheqësi Fidel Castro, raporton agjencia “Reuters”.
“Ka pasur rrëshqitje dheu, dëm ndaj shtëpive dhe linjave të rrymës. Ne kemi filluar që t’i vlerësojmë dëmet… gjëja e parë dhe thelbësore është që të shpëtohen jetë” – tha në rrjetin X presidenti i Kubës, Miguel Diaz-Canel.
Cuba has been shaken by two powerful earthquakes an hour apart with magnitudes 5.9 & 6.8.
— Zimbo_Factual😎 (@fracta70911) November 10, 2024
It was felt throughout the Caribbean island nation.
"People quickly took to the streets because the ground moved very strongly." Said one resident.
No deaths had been immediately reported. pic.twitter.com/TWsMptOHyJ
Agjencia e lajmeve “Reuters” bisedoi me disa banorë të zonës, të cilët raportuan se dridhja u ndje më e fortë se kurdoherë më parë në jetën e tyre. Ata thanë se shtëpitë e ndërtesat e tjera u drodhën fort, ndërsa gotat, enët e vazot ranë nga vitrinat.
“Ne kemi ndier tërmete në të kaluarën, por asgjë si ky” – tha përmes telefonit banorja e Santiagos, Griselda Fernandez.
Shumë prej shtëpive dhe ndërtesave të tjera në rajon janë më të vjetra dhe të ndjeshme ndaj dëmit prej tërmeteve. Mediat shtetërore publikuan pamje të kulmeve e fasadave të shtëpive bllok që ishin shembur nga tërmeti. Në shumë fotografi shfaqej dëm strukturor ndaj tavaneve, mureve dhe në infrastrukturën publike.
First images and videos from the M6.8 earthquake in Cuba.#cuba #earthquake pic.twitter.com/V4nNszv5RT
— Light Beings Observer (@BeingsObserver) November 10, 2024
