Koreja Veriore i bie pishman, ia jep edhe një rend me balona me bërllok drejt Jugut
Koreja Veriore dërgoi një valë të re me balona që bartnin mbeturina drejt Koresë Jugore të dielën vonë, pasi motra e liderit Kim Jon Un paralajmëroi për kundërpërgjigje të mëtejme, nëse shteti fqinj e vazhdon “luftën psikologjike”.
Balonat e rinj, të cilët Seuli më parë i kishte quajtur si “të ulët e të rrezikshëm”, vijnë si hakmarrje e dukshme për vendimin e Koresë Jugore që ta rinisë përdorimin e propagandës kundër Veriut përmes altoparlantëve në zonat kufitare, raporton televizioni CNN.
Motra e Kimit dhe zëdhënësja e Qeverisë, Kim Yo Jong, paralajmëroi se rinisja e propagandës me altoparlantë është “prelude i një situate shumë të rrezikshme”.
Në një deklaratë të publikuar në media shtetërore, ajo shtoi se Koreja Jugore do të jetë subjekt e një “kundërveprimi të ri” të pasaktësuar nga vendi i saj, nëse e vazhdon përdorimin e altoparlantëve dhe nëse dështon që t’i parandalojë aktivistët nga dërgimi i fletushkave kundër Koresë Veriore matanë kufirit.
“Unë e paralajmëroj Seulin në mënyrë të ashpër që menjëherë ta ndalë këtë akt të rrezikshëm” – tha motra e Kimit, duke shtuar se Koreja e Jugut po krijon një “mjedis të ri të krizës”.
Shtabi i Përgjithshëm i Koresë Jugore ka thënë se Koreja Veriore është “plotësisht përgjegjëse” për gjendjen e tanishme dhe i ka bërë thirrje vendit fqinj që “menjëherë të ndalë akte të tilla të ulëta si dërgimi i balonave me bërllok”.
