Kasparov: A e detyroi Amerika ushtrinë e Putinit të kryejë përdhunim dhe spastrim etnik?

Garry Kasparov, ish-kampion bote në shah dhe kritik i ashpër i presidentit rus Vladimir Putin, iu drejtua sulmeve ruse ndaj infrastrukturës energjetike të Ukrainës.

"Ukraina sulmon objektivat ushtarakë për të mbrojtur vendin dhe popullin e saj kundër pushtuesve që kryejnë krime lufte. Rusia synon sistemet energjetike, furnizimet ushqimore dhe civilët. A mund të ketë një ndryshim dhe pamje më të qartë se si duket e keqja?" pyeti Kasparov."Edhe ata patetikë që përpiqen të barazojnë dy anët e pushtimit të paprovokuar të Putinit nuk kanë përgjigje. A po i detyrojnë NATO apo Amerika forcat e Putinit të kryejnë përdhunim dhe spastrim etnik? Të bombardojnë nënstacionet dhe tubacionet e gazit? Të vdesin nga uria miliona në Afrikë dhe Azi? Dhe jo si dëm kolateral, por me qëllim”, deklaroi ish-kampioni i shahut.

"Në mënyrë të pabesueshme, ka ende njerëz që thonë se Ukraina dhe aleatët e saj duhet t'i dorëzohen pushtimit dhe gjenocidit rus, të shpërblejnë krimet e luftës të Putinit dhe ta inkurajojnë atë të bëjë më shumë, ashtu siç ka ndodhur gjithmonë më parë. Jo. Për tetë muajt e fundit, ne kemi dëgjuar liderët perëndimorë se si kërkojnë falje për injorimin e kërcënimeve të Putinit, për përshkallëzimin që çoi drejtpërdrejt në këtë luftë. Dhe me çfarë kostoje për Ukrainën. E megjithatë, disa duan ta përsërisin atë gabim", tha Kasparov. /Nacionale/