Izraeli e pëson fatalitetin e parë të ofensivës së re në Qytetin Gaza, vritet Major Shahar Bozag

Ushtria izraelite ka njoftuar se një oficer i saj u vra gjatë luftimeve në Qytetin Gaza të hënën.

Ushtari i vrarë u identifikua si Major Shahar Netanel Bozag, 27 vjeç, komandant kompanie në Batalionin e 77-të të Brigadës së 7-të të Blinduar, nga Migdal Haemeku, shkruan gazeta “The Times of Israel”.

Sipas një hetimi fillestar të ushtrisë izraelite, gjatë ofensivës që po vazhdon në Qytetin Gaza, një pjesëtar i Hamasit hodhi një granatë dore në drejtim të tankeve të Batalionit të 77-të, duke i shkaktuar lëndime oficerit.

Bozaglo u dërgua në një spital, ku gjendja e tij u përkeqësua dhe nuk u mbijetoi plagëve.

Ai është ushtari i parë izraelit që vritet në ofensivën e re të Forcave të Mbrojtjes të Izraelit kundër Hamasit në Qytetin Gaza, e cila filloi javën e kaluar.

Pak para fillimit të kësaj ofensive, të enjten e javës së kaluar ushtria izraelite njoftoi se iu vranë katër ushtarë, pasi automjeti me të cilin po udhëtonin në qytetin Rafah të Gazës ra në një mjet shpërthyes.

Për ta lexuar lajmin e plotë të javës së kaluar, klikoni këtu.