Irani sulmoi kurdët me raketa, 7 persona vdiqën

Të paktën shtatë anëtarë të grupit të armatosur të opozitës së kurdëve iranianë, i cili ka një bastion në Kurdistanin irakian, u vranë dhe 28 u plagosën në sulmet me raketa nga Teherani ndaj disa grupeve kurde që dënojnë shtypjen e dhunshme të protestave në Republikën Islamike.

Shtatë persona, anëtarë të Partisë Demokratike të Kurdistanit Iranian (PDKI), u vranë në sulmet e raketave dhe dronëve pa pilot "kamikaze", për të cilat Teherani mori përgjegjësinë, sipas një deklarate nga ai grup i armatosur, i cili raportoi për luftëtarë të plagosur.

“Sipas informacioneve fillestare, shtatë persona humbën jetën dhe një numër i caktuar i luftëtarëve kurdë u plagosën”, tha PDKI, duke deklaruar se zona e shënjestruar ishte Koysinjag, në lindje të Erbilit, qendra administrative e Kurdistanit autonom të Irakut.

Ndërtesa të dëmtuara

Ndërtesat në sektorin Zrgoiz, rreth pesëmbëdhjetë kilometra larg Sulejmanisë, ku zyrat e disa partive të armatosura të majta opozitare të kurdëve iranianë, veçanërisht punëtorëve Komala-Kurdistan, u dëmtuan dhe u shkatërruan nga gjuajtja me raketa.

Një reporter i AFP në Zrgoiz pa tym të bardhë mbi vendin e goditur nga raketa, ku u dërguan ambulancat. Banorët po largoheshin nga vendi i sulmit dhe të plagosurit lehtë u trajtuan nga një mjek partiak, raportoi një gazetar i AFP.

Ministria e Shëndetësisë në Erbil raportoi "katër dëshmorë dhe 14 të plagosur" në zonën e Koysinjag dhe "tre dëshmorë dhe 14 të plagosur" në Sherawa. "Ka civilë në mesin e viktimave," tha një zyrtar i lartë i Kurdistanit autonom për AFP. /Nacionale/