Gazetarja ruse që u rebelua kundër luftës në një program live u largua nga Rusia

Avokati i ish-gazetares së televizionit rus Marina Ovsyanikova, e akuzuar për përhapjen e lajmeve të rreme për ushtrinë ruse, tha se klienti i tij u largua nga vendi pasi i shpëtoi arrestit shtëpiak.

Avokati Dmitry Zahvatov thotë se Ovsianikova tani është nën mbrojtjen e shtetit evropian, shkruan Sky news. Zahvatov refuzoi të komentojë më tej për rastin dhe atë që ndodhi sepse mund të përbëjë problem për klientin e tij.

Në një transmetim të drejtpërdrejtë në televizionin shtetëror rus, ajo protestoi kundër luftës në Ukrainë

Një gazetare ruse u bë e famshme në mediat ndërkombëtare kur hyri në studion e televizionit shtetëror rus në mars për të denoncuar luftën në Ukrainë në një transmetim të drejtpërdrejtë. Ajo mbante një pankartë ku shkruhej: “Ndal luftën, mos i beso propagandës, po të gënjejnë këtu”.

Në atë kohë ajo ishte redaktore e emisionit të lajmeve të natës Vremja, por pasi la punën, u bë aktiviste, duke organizuar ngjarje kundër luftës dhe duke u shprehur kundër konfliktit.

Ajo u dënua për shkelje të ligjit për protestat dhe më pas dënoi përgjegjësit e luftës në rrjetet sociale. Ajo u gjobit me 30,000 rubla, që është rreth 492 euro. /Nacionale/