Erdogan para qytetarëve: Fituesit e zgjedhjeve të 14 majit dhe 28 majit janë 85 milionë qytetarët tanë
Erdogan ka fituar rizgjedhjen, sipas rezultateve jozyrtare nga agjencia shtetërore Anadolu.
Me 97 për qind të kutive të hapura në balotazh, Erdogan ka 52.1 për qind të votave dhe kundërshtari Kemal Kilicdaroglu ka 47.9 për qind.
Pas kësaj ai i është drejtuar qytetarëve turk duke u thënë se raundi i dytë i zjgedhjeve ka përfunduar në favor të kombit.
I njëjti ka shtuar se fituesi i zgjedhjeve të 14 majit dhe 28 majit janë të gjithë 85 milionë qytetarë.
“Kemi përfunduar raundin e dytë të zgjedhjeve presidenciale me favorin e kombit tone. Fituesi i zgjedhjeve të 14 majit dhe 28 majit janë të gjithë 85 milionë qytetarët tanë. Ne do të fitojmë në atë mënyrë që askush të mos humbasë, kështu që sot fituese është vetëm Turqia. Ne e duam shumë Stambollin. Nisemi me Stambollin, vazhdojmë me Stambollin. Mashallah, sot Kısıklı është një tjetër. Uskudar është një tjetër. Dhe Stambolli është një tjetër. Të dashur miq dhe kolegë, ju përshëndes me ndjenjat e mia më të përzemërta. Kemi përfunduar raundin e dytë të zgjedhjeve presidenciale me favorin e kombit tonë. Dua të shpreh mirënjohjen time për kombin tim që na dhuroi një ditë demokracie mes 2 festash. Dëshiroj të falënderoj të gjithë qytetarët e mi që dolën në kutitë e votimit dhe treguan vullnetin e tyre për të ardhmen e tyre dhe të fëmijëve të tyre.” – ka thënë Erdogan para qytetarëve, raporton Hurriyet.
