Elon Musk pushoi pothuajse gjysmën e punonjësve të Twitter, tani ai u dha atyre një ultimatum të ri

Elon Musk, pronari i ri i Twitter, u dha punonjësve të tij një ultimatum në një mesazh të brendshëm e-mail që të "përkushtoheshin shumë për të punuar" ose të largoheshin nga kompania, raportoi CNN.

“Për të ndërtuar Twitter 2.0 revolucionar dhe për të pasur sukses në një botë gjithnjë e më konkurruese, do të duhet të jemi shumë të përkushtuar”, shkroi Musk. "Kjo do të thotë se do të duhet të punosh jashtë orarit dhe shumë intensivisht. Vetëm më të mirët do të mund të qëndrojnë," shtoi ai.

Musk tha gjithashtu se Twitter do të jetë "shumë më i orientuar drejt inxhinierisë" dhe u tha punonjësve: "Nëse dëshironi të jeni pjesë e Twitter-it të ri, kontrolloni "po" në formularin në lidhje.

Konfliktet me punonjësit

Ai shtoi se punonjësit që nuk do ta bëjnë këtë deri në një orar të caktuar nesër do të pushohen nga puna dhe do t'u jepet një pagë tre mujore. Ai e titulloi këtë mesazh “Fork in the Road”, dhe e dërgoi pasi u përplas publikisht dhe privatisht me punonjësit për mënyrën se si ai drejton Twitter-in. Pasi mori përsipër Twitterin, Musk shkarkoi CEO-t, bordin e drejtorëve dhe pothuajse gjysmën e punonjësve.

“Pavarësisht se çfarë vendimi merrni, faleminderit që keni punuar shumë për ta bërë Twitter të suksesshëm”, përfundoi ai. /Nacionale/