Elon Musk nuk është më njeriu më i pasur në botë
Elon Musk nuk është më njeriu më i pasur në botë, pasi vlera e aksioneve në kompaninë e veturave elektrike Tesla, ka rënë përgjysmë.
Sipas Forbes dhe Bloomberg, Musk është tejkaluar në vendin e parë nga Bernard Arnault, shefi ekzekutiv i grupit të mallrave luksoze LVMH.
Musk është shefi ekzekutiv dhe aksionari më i madh në Tesla, me një aksion të raportuar prej rreth 14%.
Sipas Forbes, Musk ka një pasuri rreth 178 miliardë dollarë (152 miliardë paund).
Ndërkohë, Bernard Arnault ka një vlerë prej 188 miliardë dollarësh.
Musk përfundoi një blerje prej 44 miliardë dollarësh të Twitter në tetor. Megjithatë, marrëveshja u përfundua vetëm pas disa muajsh betejash ligjore, dhe disa kanë përmendur shpërqendrimin e marrjes së Twitter si një nga faktorët prapa rënies së çmimit të aksioneve të Tesla.
Musk bëri ofertën e tij prej 44 miliardë dollarësh në prill për Twitter, megjithëse shumë e konsideruan këtë ofertë si shumë të lartë.
Në korrik, ai u tërhoq nga marrëveshja, duke përmendur shqetësimet për numrin e llogarive të rreme në platformë.
Përfundimisht, drejtuesit e Twitter ndërmorën veprime ligjore kundrejt Elon Musk. /Nacionale/
