Detajet e tmerrit në stadium: Të gjithë u grumbulluan në një dalje, shumë njerëz u lanë brenda, u vra edhe një fëmijë

Pas përfundimit të ndeshjes mes Arema FC dhe Persebaya Surabaya, tifozët e skuadrës humbëse sulmuan ambientet e stadiumit Kanjuruhan në Malang dhe policia hodhi gaz lotsjellës, duke shkaktuar rrëmujë dhe vdekje.

Policia indoneziane tha të dielën se 129 njerëz u vranë dhe 180 u plagosën në një rrëmujë pasi tifozët u revoltuan në një ndeshje futbolli. Por në raportin e fundit, BBC thekson se mbi 174 janë të vdekur.

Pas përfundimit të ndeshjes mes klubeve Arema FC dhe Persebaya Surabaya, tifozët e skuadrës së mundur pushtuan fushën e stadiumit Kanjuruhan në Malang dhe policia hodhi gaz lotsjellës, i cili shkaktoi një rrëmujë dhe vdekje, tha shefi i policisë për gazetarët.

34 vdiqën në stadium, ndërsa pjesa tjetër në spital. Afinta konfirmoi se dy oficerë policie ishin në mesin e të vdekurve.

"Shumë njerëz u shtypën dhe u mbytën kur filluan të vrapojnë në njërën nga daljet", tha Afinta.

"Ata shkuan në një pikë në dalje, dhe pastaj kishte akumulim - në procesin e akumulimit kishte gulçim, mungesë oksigjeni" shtoi ai.

Videot nga kanalet lokale të lajmeve treguan njerëz që nxitonin në fushën e stadiumit në Malang.

Numri i spektatorëve e ka kaluar kapacitetin e stadiumit?

Drejtori i spitalit i tha TV lokale se një viktimë ishte pesë vjeç.

Ministri indonezian i Sigurisë, Mahfud MD tha se numri i spektatorëve tejkaloi kapacitetin e stadiumit Kanjuruhan.

Në një postim në Instagram ai ka shkruar se janë lëshuar 42 mijë bileta për stadiumin që mund të strehojë 38 mijë njerëz.

Kreu i zyrës shëndetësore të Malang, Wiyanto Wijoyo, tha më herët se zyrtarët janë ende duke përcaktuar numrin e të plagosurve.

"Viktimat vdiqën nga kaosi, mbipopullimi, shkelja dhe mbytja - tha Wiyanto, duke shtuar se të lënduarit u dërguan në spitale të ndryshme lokale.

Policia tha se 13 automjete u dëmtuan, duke përfshirë 10 makina policie.

Qeveria indoneziane: Do të diskutojmë ndalimin e tifozëve nga ndeshjet

Qeveria indoneziane kërkoi falje për fatkeqësinë dhe premtoi të hetojë rrethanat.

"Do të vlerësojmë tërësisht organizimin e ndeshjes dhe ardhjen e tifozëve. A do t'i kthehemi ndalimit të tifozëve për të ndjekur ndeshjet? Për këtë do të flasim", njoftuan ata.

Liga e parë e futbollit e Indonezisë pezulloi ndeshjet për një javë pas ndeshjes, të cilën Persebaya e fitoi 3-2 dhe nisi një hetim, tha shoqata e futbollit të vendit.

Në Indonezi, ka pasur trazira në ndeshje dhe dhunë nga tifozët më parë për shkak të rivalitetit të fortë midis klubeve. /Nacionale/