Video e tensionuar nga Ukraina: Djali i një deputete britanike dhe bashkëluftëtarët e tij ranë në një pritë ruse
Një video dramatike tregon djalin e një deputete britanike duke luftuar në Ukrainë, si sulmon një autoblinda ruse dhe shpëton një shok të plagosur.
Ben Grant është djali i deputetes konservatore Helen Grant dhe një ish-marins që mbërriti në Ukrainë në ditët e para të pushtimit rus të atij vendi.
"Duhet të ecim përpara ose do të vdesim!" Grant dëgjohet duke u folur ushtarëve të tjerë ndërsa ai dhe njësia e tij përpiqen ta çojnë shokun e plagosur në një vend më të sigurt. Një video tregon se ata përpiqen të fashojnë këmbën e plagosur të ushtarit Dean Arthur, ndërsa ata janë nën zjarr gjatë gjithë kohës.
American volunteers found an enemy armored personnel carrier, and tracked it down with the help of a reconnaissance drone. Then they moved to a favorable position and hit the APC with an anti-tank grenade launcher. pic.twitter.com/g8yZfnhcTn
— The New Voice of Ukraine (@NewVoiceUkraine) May 27, 2022
Ata u zunë pritën
Numri i saktë i qytetarëve britanikë që udhëtuan në Ukrainë për të mbështetur forcat e saj të armatosura nuk dihet për momentin.
Ministrja e Jashtme Liz Truss fillimisht tha se ajo mbështet të gjithë ata që donin të shkonin në Ukrainë për të "luftuar për demokracinë", por ministria e jashtme tha më vonë se nuk këshillonte udhëtimin në vend, raportoi Sky News.
Grant i tha The Telegraph se njësia e tij prej 15 ushtarësh (vullnetarë britanikë dhe amerikanë dhe dy përkthyes ukrainas) po përgatiteshin për sulmin kur u zunë pritë.
"Unë mendoj se ne u filmuam nga dronët dhe ata më pas ngritën trupat e tyre, kështu që ne u përplasëm me zjarr", tha Grant.
Goditi mjetin e blinduar
"Ishte e tmerrshme që duhej të mbanim dikë dhe nuk mund t'i ngrinim armët. Helikopterët e armikut po fluturonin mbi ne, tanket po gjuanin kundër nesh. Ishte joreale - nuk kam përjetuar kurrë diçka të tillë", tha djali i deputetes britanike.
Deano Arthur u dërgua në një spital në Kiev, ku mjekët ia shpëtuan këmbën.
Një video tjetër tregon një nga shokët e tij duke gjuajtur një raketë në një automjet që i ngjan një transportuesi të blinduar BTR-80. Më pas ata u tërhoqën, me një nga ushtarët që u tha "kthehuni nga ata". /Nacionale/