Salih Zyba sulmon Prokurorinë për ftesën ndaj Kurtit: Premton Veting, harron se dështuan ta realizojnë këtë mandat
Deputeti i VV-së, Salih Zyba, ka akuzuar Prokurorinë Speciale për ftesën ndaj Kurtit si dëshmitar për rastin e rezevës.
Zyba ka thënë se pas 9 shkurtit do të ketë veting, por ka harruar se qeveria e tij dështoi ta realizojë këtë premtim në këtë mandat.
Postimi:
Ish-prokurori i Prokurorisë Speciale të Kosovës, Elez Blakaj, u pat larguar nga Kosova në vitin 2018 pasi kishte hetuar dhe ngritur aktakuza për keqpërdorimet në rastin e njohur si “listat e veteranëve të rrejshëm”.
Ai nuk arriti me i thirrë dëshmitarët fare sepse dihej ku do të dërgoheshin ftesat. E në vend se të ndiqeshin shkelësit, u ndoq ai nga Kosova.
Gjashtë vjet po kalojnë dhe askush nuk u thirr për hetimet e ish prokurorit Blakaj.
Ftesa për ata mungon sepse mungojnë prokurorët që e hetojnë krimin. Këta që ja dërguan ftesën Kryeministrit, duan largimin tonë e rikthimin e tyre.
Por pas 09 shkurtit shkojnë së bashku: konfiskimi i pajustifikuar i pasurisë dhe vetingu i justifikuar i drejtësisë.
