Rrustem Tetaj në Hagë: Unë Kadri Veselin veç në televizor e kam pa, nuk kam ni as për Jakup Krasniqin

Rrustem Tetaj po e vazhdon dëshminë në Hagë.

Para pyetjeve të avokates së Kadri Veselit, ai deklaroi se Veselin nuk e ka parë në zonat e luftës. Madje, tha se nuk ka dëgjuar as për Jakup Krasniqin.

“Unë Kadri Veselin jashta në televizor edhe sot që po e shoh qitu se kurrë nuk e kam pa edhe masi nuk e kam pa dhe nuk ka qenë në zonën e luftës, ju lutem unë nuk di se çka ka me thanë për ta. Këta e kam deklaru edhe para Prokurorisë. Vetëm për Hashim Thaçin që jam taku me të dhe Rexhep Selimin në Jabllanicë e ato që i kam fol përpara, unë për Jakupin dhe Kadri Veselin vetëm se çka spekuloj se nuk kam ni”, tha dëshmitari në seancë.