Drejtori i Policisë: Asnjë arrestim nga ne nuk është arbitrar, as i jashtëligjshëm
Drejtori i Policisë së Kosovës, Gazmend Hoxha është përgjigjur ndaj pretendimeve të kryediplomatit të BE-së, Joseph Borell, i cili tha se duhet të ndalen arrestimet “jashtëgjyqësore”, të Kosovës.
Drejtori Hoxha, ka thënë se Policia e Kosovës nuk kryen arrestime jashtëligjore, por të gjitha janë të bazuara në process të hetimit e të bazuara me ligj.
“Të gjitha veprimet tona policore, përfshirë arrestimet bëhen përmes procesit të hetimeve. Asnjë arrestim nga Policia e Kosovës nuk është arbitrar, as i jashtligjshëm, por i bazuar në ligj” – ka thënë Hoxha.
Kujtojmë se në të njejtën konferencë Hoxha, ka paraqitur në deaje sasinë e armatimit, e cila është sekuestruar mbrëmë nga Policia e Kosovës.
