Sulmoi seksualisht të miturit në Ferizaj, gjykata e dënon më 16 vite burg Blerim Sinanin
Blerim Sinani është dënuar me 16 vjet e gjysmë burgim, pasi akuzohej nga Prokuroria Themelore në Ferizaj për sulm seksual ndaj një të mituri 12-vjeçar.
Vendimi u shpall sot në Gjykatën Themelore në Ferizaj. Kryetari i trupit gjykues, gjatë leximit të aktgjykimit, bëri të ditur se i akuzuari është shpallur fajtor për dy vepra penale, përkatësisht për dy dispozita të aktakuzës që lidhen me veprën penale të sulmit seksual.
