Nënçmimi i Kurtit ndaj invalidëve të UÇK-së që nuk i takon dhe as nuk ju ndihmon t’i ndërrojnë protezat për gjymtyrët që i lanë në fushëbetejë — “Qeveritë e kaluara na ndihmonin herë pas here”
Barot dhe hekur m'ranë në kraharor
Ktheje kokën vëlla në strehën time qiell
Në trupin tim me copa, këtu nis liria
N'mos qoftë atdheu i ngrohtë si diell
S'kanë pse i duhen, gjymtyrët e mia
Kjo është një pjesë teksti nga kënga Engjujt Arberor që ju kushtua invalidëve të luftës. Atyre që nuk patën fatin të japin jetën për liri, por lanë gjymtyrët e trupit në fushën e betejës.
Invalidët kanë nevojë për ndihmën e Qeverisë, që t’i ndërrojnë protezat, për kontrolla të ndryshme mjekësore... Por, Kurti ka kohë që as nuk i takon kategoritë e dala nga lufta.
Kryeministri për këtë çështje në Kuvend thotë se fillimisht duhet të pastrohen listat e veteranëve.
Por pse për çështjen e veteranëve duhet të vuajnë invalidët? Kategoria më e prekur nga lufta.
Kush mund të na tregonte më mirë se vetë invalidi i harruar, për nënçmimin që i bëhet nga Qeveria e Kosovës?
Siç e tha Bimi, megjithatë qeveritë e tjera i kanë ndihmuar herë pas here kategoritë e dala nga lufta. Por, çka ka bërë kjo qeveri?
Kurti më 6 korrik 2021, ka emëruar Aziz Bicin, këshilltar për çështjen e kategorive të dala nga lufta. I cili nuk pranoi t’ia japë një përgjigje Bimit, por na tha t’i dërgojmë pyetje me email.
Jo vetëm pyetjet e emailit, por krejt këtë çështje do ta çojmë deri në fund sepse çdo qeveri në Kosovë e ka obligim t’u ndihmojë invalidëve të luftës.
