Zyrtare: Stefano Pioli trajner i Cristiano Ronaldos te Al Nassr
Trajneri Stefano Pioli është zyrtarisht trajneri i ri i Al Nassr, aty ku do të punojë me Cristiano Ronaldon.
Ish trajneri i AC Milani udhëtoi të mërkurën për të nënshkruar kontratën.
Para se të nënshkruante, atij iu nevojit ta shkëpuste kontratën aktuale që kishte me Milanin, të cilët e shkarkuan në muajin maj, sidoqoftë vazhdonin t’ia paguanin pagën.
Al Nassr përmes një video konfirmoi se Pioli është trajneri i ri, me të cilin synojnë ta fitojnë titullin kampion.
PIOLI IS NASSRAWI🔥💛
— AlNassr FC (@AlNassrFC_EN) September 18, 2024
We welcome Stefano Pioli as our new coach 🤩
pic.twitter.com/qNnmZU7nyQ
Tekniku italian mbush 59 vjeç muajin e ardhshëm, ndërsa përpos Milanit ka drejtuar edhe klube si Fiorentina, Inter, Lazio dhe Bologna.
Ai para disa javëve ishte afër të arrinte marrëveshje me Al Ittihadin, sidoqoftë gjithçka dështoi në minutat e fundit.
