Zyrtare: Shtyhet ndeshja Kosovë – Izrael
Shtëpia e futbollit UEFA ka konfirmuar se ndeshja ndërmjet Kosovës dhe Izraelit është shtyrë.
Ashtu siç pritej, shkaku i luftës në Izrael, UEFA ka vendosur që ndeshja e paraparë të zhvillohej të dielën të shtyhet për një kohë.
“Ndeshja kualifikuese për Euro 2024 mes Kosovës dhe Izraelit që do të zhvillohej me 15 tetor është shtyrë”.
“Një datë e re për ndeshjen do të njoftohet së shpejti”, shkruhet në komunikatë.
The #EURO2024 qualifying match between Kosovo and Israel scheduled for 15 October has been postponed.
— UEFA (@UEFA) October 12, 2023
A new date for the fixture will be announced in due course.
Në fakt, kjo ndeshje veçse ishte paraparë të suspendohej për një kohë, gjë që e konfirmoi edhe presidenti i Federatës izraelite të mërkurën.
“Ne presim të dimë datën e lojës së shpejti, por sigurisht që nuk do të ndodhë shumë shpejt. Për momentin, askush nuk mendon të luajë futboll. Situata në vendin tonë është e tmerrshme dhe shpresojmë që e gjitha kjo të përfundojë së shpejti”.
Kujtojmë Kosova sonte do ta zhvillojë përballjen ndaj Andorrës me fillim nga ora 20:45.
