Zyrtare: Roberto Martinez largohet nga Kombëtarja e Belgjikës

Roberto Martinez nuk është më përzgjedhës i Kombëtares së Belgjikës.

49-vjeçari ka vendosur të largohet nga stoli i Belgjikës pas eliminimit nga Kupa e Botës "Katar 2022", ku ata nuk arritën ta kalojnë fazën e grupeve, duke përfunduar si pozitë e tretë.

Ishte Federata Belge që përmes një postimi në rrjetin social "Twitter" njoftoi se Martinez nuk është më përzgjedhës i kombëtares.

"Roberto Martinez ka njoftuar se ai ka ndaluari së qenë përzgjedhës i Belgjikës. Vendimi ishte bërë para se të niste ky turne", shkruhet në komunikatë.

Ndërkohë, Martinez deklaroi se është shumë emocional pasi kjo ishte ndeshja e tij e fundit.

“Kjo ishte ndeshja ime e fundit. Ishte shumë emocionale siç mund ta imagjinoni”, deklaroi shkurtimisht ai.

Pas 79 ndeshjeve në krye, Martinez largohet nga kombëtarja belge duke pasur 56 fitore, 13 barazime dhe 10 humbje.