Zyrtare: Kristjan Asllani rinovon me Interin - NACIONALE
NACIONALE

Zyrtare: Kristjan Asllani rinovon me Interin

1 vit më parë

nga NACIONALE

Mesfushori Kristjan Asllani e ka rinovuar kontratën me Interin edhe për katër vite tjera.

Shqiptari para pak ditëve u lidh me një transferim te Paris Saint-Germain, sidoqoftë i ka hedhur poshtë këto spekulime duke rinovuar me “Neurazzurët”.

Përmes një komunikate zyrtare, Inter informoi tifozët se Asllani vazhdon të jetë pjesë e projektit afatgjatë, duke i dhënë kontratë të re, e cila do ta mbajë në “San Siro” së paku deri më 2028.

“FC Inter njofton për rinovimin e kontratës së Kristjan Asllanit. 22-vjeçari mesfushor do të vazhdojë të jetë lojtar i Neurazzurit deri më 30 qershor 2028”, thuhet ndër të tjera.

Ndërkohë, Asllani ka nisur ta fitojë vendin titullar te Interi, ku të dielën ishte nga minuta e parë në barazimin 1:1 ndaj Monzas.

Inter aktualisht renditet në pozitën e dytë në kampionatin italian me tetë pikë pas katër xhirove, duke pasur vetëm një më pak se lideri Napoli.

Tjera:

Lajme të ngjashme