Zyrtare: Joshua Zirkzee – lojtar i Man Unitedit

Manchester United ka konfirmuar transferimin e sulmuesit Joshua Zirkzee nga Bologna.

“Djajtë e Kuq” paguan mbi 40 milionë euro për shërbimet e holandezit, i cili ka nënshkruar kontratë për pesë vite, me opsion për një tjetër.

“Manchester United është i lumtur të njoftojë se Joshua Zirkzee i është bashkuar klubit”.

“Holandezi sulmues ka nënshkruar kontratë deri në qershorin e vitit 2029, me opsion për një tjetër vit”, thuhet në komunikatën e Man Unitedit.

Zirzkee ishte golashënuesi më i mirë i Bolognas në Serie A sezonin e kaluar, duke iu ndihmuar të kualifikohen në Ligën e Kampionëve.

Holandezi pas transferimit tha: “Pas diskutimeve me trajnerin dhe liderët e klubit, e di se e ardhmja e klubit do të jetë mjaftë emocionuese dhe mezi pres të luajë rolin në suksesin e Man Unitedit”.

“Jam person që jep gjithçka për fitore, jam gati për sfidën re, që të shkoj në një tjetër nivel në karrierë dhe të fitojë trofe”.