Zyrtare: Jordi Alba e konfirmon pensionimin
Jordi Alba e ka konfirmuar se është tërhequr nga futbolli ndërkombëtar dhe nuk do të luajë më për Kombëtaren e Spanjës, pas transferimit të tij te Inter Miami, ku u bashkua me Lionel Messin e Sergio Busquetsin.
Mbrojtësi i majtë ka vendosur të lërë ‘La Rojan’ pasi bëri 93 paraqitje dhe shënoi nëntë gola. Ai udhëhoqi ekipin e tij kombëtar në fitoren e tyre në Kupën e Kombeve më parë gjatë vitit 2023 dhe ishte pjesë e skuadrës që ngriti Kupën e Kampionatit Evropian në 2012, duke shënuar në finale kundër Italisë.
Alba ndoqi hapat e Messit dhe u bashkua me Inter Miami në verë, ku ai po luan së bashku me ish-kapitenin e Barcelonës, Sergio Busquets gjithashtu. Ai e ka vendosur veten si një anëtar kyç i skuadrës dhe pas fitimit të Kupës së Ligës, mbrojtësi është në prag të fitimit të Kupës së Open US pasi ‘Heronët’ tashmë kanë vulosur një vend në finale.
“Në moshën 34-vjeçare, Jordi Alba i jep fund kësaj karriere të madhe ndërkombëtare. Nga Federata Mbretërore e Futbollit Spanjoll, mirënjohje e përjetshme për këtë rrugë të shkëlqyer. Faleminderit, Jordi”, thuhet në një deklaratë të Federatës Spanjolle të Futbollit.
🫶 @JordiAlba pone fin a una brillante carrera con la @SEFutbol
— Selección Española de Fútbol (@SEFutbol) September 1, 2023
🏆 Campeón de la Liga de las Naciones 2023 y de la Eurocopa 2012.
👕 𝟵𝟯 veces internacional.
🔴 Eres 𝗵𝗶𝘀𝘁𝗼𝗿𝗶𝗮 𝗱𝗲 𝗹𝗮 𝗦𝗲𝗹𝗲𝗰𝗰𝗶𝗼́𝗻
🙌 ¡𝗚𝗥𝗔𝗖𝗜𝗔𝗦, 𝗝𝗢𝗥𝗗𝗜!
🔗 https://t.co/EMQnCJhelC pic.twitter.com/LDITvQO0Gs
Alba tërhiqet si një legjendë e vërtetë e Spanjës pasi ka përfaqësuar vendin e tij në tre Kupa Botërore, tre Kampionatet Evropiane, Lojërat Olimpike të Londrës dhe një Kupë të Konfederatave.
