Zyrtare: Ballkani gjen zëvendësuesin e Rrahmanit, transferon algjerianin Walid Hamidi
Ballkani ka kompletuar transferimin e sulmuesit Walid Hamidi nga skuadra e Shkupit.
Pas largimit të Albion Rrahmanit, “Xhebrailat” kanë vendosur që ta zëvendësojnë me algjerianin.
Përmes një komunikate zyrtare, Ballkani i uroi mirëseardhje Hamidit dhe i uroi suksese.
“Të dashur tifozë,
Kemi kënaqësinë t’u njoftojmë se kemi arritur marrëveshje me Fc Shkupin, për transferimin e sulmuesit algjerian, Walid Hamidi.
Futbollistit i dëshirojmë suksese në fanellën e kampionit të Kosovës, drejt arritjes së objektivave tona të përbashkëta”, shkroi klubi.
Edicionin e kaluar në fanellën e Shkupit, Hamidi zhvilloi 33 paraqitje duke realizuar pesë gola dhe kontribuar me dy asistime.
