Zyrtare: Antonio Conte bëhet trajner i Napolit
Napoli e ka zyrtarizuar emërimin e Antonio Contes në krye të klubit, me ish-trajnerin e Interit e Juventusit që ka nënshkruar kontratë trevjeçare.
Trajneri 54-vjeçar italian ishte pa punë për pak më shumë se një vit pas largimit të tij nga Tottenham në mars 2023, pasi kishte hasur në probleme për të treguar më të mirën e tij në Premierligë për shkak të çështjeve të ndryshme personale.
Conte ishte i prirur të kthehej në Serie A dhe fillimisht u raportua për të marrë drejtimin e Milanit apo Juventusin përpara se të vendoste të merrte një projekt të ri me Napolin, me këta të fundit që nuk arritën të tregojnë shumë sukses pas sezonit 2022-23 kur u shpallën kampion të Italisë pas tre dekadave.
Conte, trajner i Napolit
Siç u njoftua zyrtarisht sot, Conte është emëruar trajneri i ri i Napolit, duke nënshkruar një kontratë trevjeçare me klubin që zgjat deri në qershor 2027. Raportimet e fundit të mediave sugjeruan se marrëveshja e tij nuk përfshin asnjë klauzolë lirimi apo largimi.
Antonio Conte is typing... 💬#ConTe pic.twitter.com/HFf2kzQRBM
— Official SSC Napoli (@sscnapoli) June 5, 2024
Trajneri italian shpjegoi lëvizjen e tij duke thënë: “Napoli është një vend me rëndësi globale. Jam i lumtur dhe i emocionuar për idenë për t'u ulur në stolin e Azzurrit. Sigurisht që mund të premtoj një gjë: do të bëj maksimumin për rritjen e ekipit dhe klubit. Përkushtimi im, së bashku me atë të stafit tim, do të jetë total.”
Presidenti i Partenopeit, Aurelio De Laurentiis gjithashtu diskutoi për emërimin, duke komentuar: “Jam shumë krenar që trajneri i ri i Napolit është Antonio Conte. Antonio është një trajner i madh, një lider, me të cilin jam i sigurt se rithemelimi i nevojshëm mund të fillojë pas përfundimit të ciklit që na çoi në fitimin e titullit kampion vitin e kaluar pas shumë sezonesh në majat e futbollit italian. Sot hapet një kapitull i ri i rëndësishëm në historinë e Napolit”.
