Zbulohet prioriteti i Interit në afatin kalimtar veror, e kërkojnë një portier

Portieri brazilian, Bento, mbetet prioritet i Interit për afatin kalimtar veror, pavarësisht se janë të interesuar edhe për portierin e Genoas, Josep Martinez.

Eksperti i transferimeve të Football Italia, Moretto raporton përditësimin më të fundit në kërkimin e Interit për një portier të ri.

Zikaltrit kanë monitoruar brazilianin Bento për një kohë të gjatë, por bisedimet me Athletico Paranaense nuk po përparojnë aq shpejt sa do të dëshironte Interi.

Në rubrikën e tij të fundit në Caught Offside, Moretto tha se Bento mbetet prioriteti i Interit dhe se çmimi i kërkuar për 24-vjeçarin është rreth 20-25 milionë euro.

Interi në kërkim të një portieri

Moretto konfirmoi se Interi po monitoron alternativat e mundshme në treg, duke përfshirë Martinezin e Genoas, i cili do të ishte më i lirë se braziliani.

Megjithatë, kampionët e Serie A-së do të vazhdojnë bisedimet me Athletico Paranaense duke shpresuar të ulin çmimin e Bentos.

Burime të tjera e kanë lidhur Interin me dy portierë të tjerë të Serisë A: Maduka Okoye të Udineses dhe Christos Mandas të Lazios.

Interi po planifikon të blejë një portier të ri si zgjedhje e dytë këtë verë dhe ta përgatisë atë që të bëhet titullar i rregullt nga sezoni 2025-26.