Yllit të Arsenalit i ndalohet të luajë Counter-Strike për shkak të 'hiles', ai ankohet në rrjetet sociale

Ylli i Arsenalit, Gabriel Jesus, është ndaluar të luajë Counter-Strike pasi ka marrë BAN për përdorim të hileve siç njihen me emrin 'Cheats', teksa ai është ankuar në rrjetet sociale për një padrejtësi.

Braziliani ka treguar se është një adhurues masiv i videolojërave me qitje me një blerje astronomike prej 30,000 funte (38,000 dollarë) të armëve në lojë. Jesusi madje ka marrë një armë të personalizuar M4A1-S Hot Rod me vlerë 630 funte (800 dollarë) me disa 'stickers'. Megjithatë, kënaqësia e tepërt e Jesusit i solli atij një sanksion të rëndë nga zhvilluesit e kësaj loje pasi llogaria e tij mbetet e bllokuar.

Jezusi postoi në platformën X për të treguar gjendjen e tij të 'vështirë' dhe i kërkoi Valve, zhvilluesit, të rikthente llogarinë e tij. Ai shkroi: "Përshëndetje @counterstrike llogaria ime mori një ndalim VAC (Valve Anti-Cheat) në mënyrë të padrejtë, a mund të më ndihmoni? Ndiqni lidhjen e llogarisë dhe shikoni ndalimin."

Ndalimi thuhet se ndodhi të shtunën, në të njëjtën kohë kur Jesus ishte në fushë duke ndihmuar Arsenalin të siguronte një fitore 5:0 kundër Crystal Palace. Ai kontribuoi duke asistuar te Leandro Trossard për golin e tretë të Topçinjve, ndërsa një gol nga Gabriel Magalhaes, një autogol nga Dean Henderson dhe një dygolësh i vonë nga Gabriel Martinelli vulosën një fitore të madhe ndaj trupave të Roy Hodgson.

Jesus gjithashtu ndan përvojat e tij të lojërave në Twitch dhe më parë kishte transmetuar pamje me bashkatdhetarin e tij Neymar, duke tërhequr një audiencë të konsiderueshme prej mbi 10,000 shikuesish. Megjithatë, një pjesë e tifozëve të Arsenalit ishin të lumtur që e panë atë të dënohej pasi ka kaluar më shumë se një muaj që kur ai shënoi gol në Premierligë - kundër Brighton më 17 dhjetor në një fitore 2:0.

Jesus do të shpresojë të gjejë rrugën drejt golit së shpejti, përndryshe, sulmuesi rrezikon të përballet me barrën e tifozëve në mediat sociale, të cilët tashmë janë duke u lodhur nga durimi. Ai do të kthehet në aksionin konkurrues kundër Nottingham Forest të martën në Premierligë përpara se Arsenali të presë Liverpoolin më 4 shkurt në Emirates.