Ylli i tenisit Nick Kyrgios i shpëton dënimit, megjithëse e pranoi se e ka sulmuar ish të dashurën
Ylli i tenisit Nick Kyrgios e ka pranuar se e kishte sulmuar një ish të dashur të veten, por e ka shmangur dënimin për vepër penale.
Australiani 27-vjeçar u deklarua i fajshëm në gjykatën e Canberras, pasi mbrojtja e tij dështoi ta bindë prokurorinë ta hedhë poshtë aktakuzën ndaj tij për arsyeje të shëndetit mendor.
Kyrgios e kishte shtyrë Chiara Passarin duke e rrëzuar në trotuar gjatë një fjalosjeje në Canberra në vitin 2021, është thënë në gjykatë.
Gjykatësi i rastit e ka quajtur veprimin e Kyrgiosit si “një veprimi i vetëm budallallëku apo frustrimi”.
Kyrgios tha pas vendimit të gjykatës se i është mirënjohës gjykatësit që nuk e dënoi.
“Mendjen nuk e kisha në vend kur ndodhi kjo dhe reagova ndaj një situate të vështirë në një mënyrë për të cilën pendohem thellësisht”, tha Kyrgios.
“E di që nuk ishte në rregull dhe me vjen sinqerisht keq për lëndimet e shkaktuara”, shtoi ai.
Faktet e dërguara në gjykatë treguan se Kyrgiosi e shtyu Passarin nuk e lejoi veturën e tij të largohej derisa ata po ziheshin me fjalë më 10 janar 2021.
Passari e raportoi rastin në polici në muajin pasues, por nuk kishte bërë ankesë zyrtare.
Çifti u pajtua dhe e vazhdoi lidhjen e dashurisë, por pasi u ndanë, Passari e paditi Kyrgiosin në gjykatë në dhjetor 2021.
