Ylli i Napolit e mposht Salahun në garën për Lojtarin më të mirë afrikan të vitit
Ylli i Napolit, Victor Osimhen, është emëruar si Lojtari më i mirë afrikan i vitit, duke mposhtur Mohamed Salah, në një ceremoni të mbajtur në Marrakech të hënën në mbrëmje.
24-vjeçari nigerian shënoi 26 gola, që ndihmuan Napolin të fitonte titullin kampion në sezonin që lamë pas dhe ishte golashënuesi më i mirë në Serie A.
Sulmuesi i Egjiptit dhe Liverpoolit, Salah, dhe marokeni i Paris Saint-Germain, Achraf Hakimi, ishin dy kandidatët e tjerë përfundimtarë, por Osimhen fitoi çmimin për t'u bërë fituesi i parë nigerian që nga Nwankwo Kanu në vitin 1999.
"Është një ëndërr e realizuar. Më duhet të falënderoj të gjithë ata që më kanë ndihmuar në këtë udhëtim dhe të gjithë afrikanët që më kanë ndihmuar për të më vendosur në hartë pavarësisht gabimeve të mia," ka thënë Osimhen.
Maroku fitoi çmimin për Kombëtaren e Vitit pas garës së tyre emocionuese që arritën deri në gjysmëfinalen e Kupës së Botës në Katar, ndërsa menaxheri i tyre Walid Regragui fitoi çmimin për trajnerin e vitit.
