Ylli i Kombëtares së Kosovës shënon gol fantastik në Superligën e Turqisë - VIDEO
Ylli i Kombëtares së Kosovës, Florent Hadërgjonaj, ka shënuar një gol fantastik në Superligën e Turqisë, duke çuar skuadrën e tij Alanyaspor në epërsi pas 45 minutave të parë ndaj Konyaspor.
Zhvillohej minuta e fundit e shtesës të pjesës së parë, kur Oguz Aydin asistoi për Hadërgjonajn, i cili me një goditje të fuqishme në zonë e mposhti portierin Deniz Ertas, për rezultatin 1:0.
🇹🇷 Goal: Hadergjonaj | Konyaspor 0-1 Alanyasporpic.twitter.com/jdQVk0lorR
— FootColic ⚽️ (@FootColic) April 20, 2024
Ky është goli i dytë sezonal në Superligë për yllin kosovar, që luan si mbrojtës krahu, teksa ka realizuar edhe dy asiste.
Skuadra e tij Alanyaspor momentalisht gjendet në vendin e tetë, jo shumë larg skuadrave në zonën evropiane.
