Ylli i Kanadasë që shkëlqeu në Botëror i kënaqur me interesimin e Chelseat
Ylli i Kanadasë, Jonathan David, ka pranuar se është i kënaqur me interesimin e klubit londinez, Chelsea, por thotë se duhet të presë dhe të shikojë se çfarë ka rezervuar e ardhmja për të.
23-vjeçari, i cili aktualisht vazhdon të tërheqë vëmendjen me paraqitjen në Ligue 1 për Lillen, thuhet se është një objektiv prej kohësh i të kaltërve të Londrës. Spekulime të tilla nuk janë asgjë e re për Davidin, pasi ai ka qenë gjithashtu i lidhur me skuadra si Arsenal dhe Manchester United në të kaluarën e afërt, dhe ai po lexon pak në thashethemet për momentin pasi ai nuk ka asnjë komunikim me trajnerin aktual të Chelseat, Graham Potter.
Davidi ka folur për Capital Football, për pëlqimin që kishte shfaqur Potter për talentin e tij: “Është lajkatare kur të lavdërojnë, por personalisht nuk e njoh atë. Premierliga është një nga ligat më të mëdha në botë, le të shohim se ku na çon e ardhmja.”
David, i cili u paraqit mjaft mirë për vendin e tij në Kupën së Botës 2022 në Katar, ka shënuar 13 herë në të gjitha garat për Lille këtë sezon dhe tani ka 45 gola nga 116 paraqitje për skuadrën franceze.
Ndër të tjera ai tregoi për objektivat e tij për pjesën tjetër të sezonit: “Dua të shënoj sa më shumë gola që të jetë e mundur, jo domosdoshmërisht 20. Nëse mund të shkoj shumë më lart, do ta bëj këtë. Por unë e marr situatën lojë për lojë.”
.jpg)
David shumë shpejt mund ta shohë vetën e tij larg Lilles, me skuadrën që mund të joshet nga ofertat e larta që mund të vijnë në drejtim të saj, duke parë interesimin e gjigantëve anglezë për yllin kanadez.
