Ylli i Bayernit thotë nuk patën kurrfarë plani për ta ndaluar Kylin Mbappen
Kingsley Coman ka këmbëngulur se Bayern Munich nuk e kishte përpiluar asnjë plan për ta ndaluar Kylian Mbappen në ndeshjen e kthimit të një të tetës së finales në Ligën e Kampionëve javën e kaluar.
Kampioni gjerman u përball me gjigantin francez në fazën e 16 ekipeve më të mira në Ligën e Kampionëve.
Bayerni kaloi në çerekfinale me lehtësi në fund, pasi fitoi me rezultat të përgjithshëm 3:0 nga të dy ndeshjet, duke e shmangur rrezikun që mund ta përbënte Mbappe e Lionel Messi.
I pyetur se çfarë taktikash kishte bërë klubi për ta ndalur sulmuesin francez, Coman tha: “Nuk ka pasur plan të madh anti-Mbappe. Gjëja më e rëndësishme ishte të mos e lejonim atë të kombinonte me Lionel Messin. Zakonisht, ne jemi ekip që bën presion thellë në pjesën e kundërshtarit. Por në atë ndeshje, ne u kthyem mbrapa për t’i lënë atij sa më pak hapësirë”.
Coman e shënoi golin e vetëm për Bayernin në fitoren 1:0 kundër ish-skuadrës në ndeshjen e parë në Paris, ndërsa Eric Maxim Choupo-Moting and Serge Gnabry shënuan nga një herë në ndeshjen e kthimit në Munih.
Mbappe dhe Messi duhet të presin të paktën 12muaj për ta pasur një mundësi tjetër për ta arritur lavdinë në Ligën e Kampionëve me Parisin.
Ndërkohë, Bayerni do ta mësojë kundërshtarin e vet çerekfinal në shortin që do të hidhet këtë të premte.
