Ylli i Argjentinës: Messi m’u lut “mos luaj, të çoj unë në gjysmëfinale”
Rodrigo De Paul ka zbuluar se si Lionel Messi e kishte lutur atë të mos rrezikonte të paraqitej i lënduar në çerekfinale të Kupës së Botës, duke i premtuar se do të sigurohej vetë që Argjentina të shkonte në gjysmëfinale.
Mesfushori i Atletico Madridit ishte frikësuar se rrugëtimi i tij në Katar 2022 kishte marrë fund, pasi e kishte pësuar një lëndim në stërvitje dy ditë para ndeshjes me Holandën në çerekfinale.
Testet treguan se ai kishte pësuar një çarje të vogël muskulore, gjë që e vuri në dyshim të madh paraqitjen e tij kundër holandezëve.
De Paul kishte kërkuar këshillë nga Messi, pasi po mendonte të luante me dhimbje në këmbë, por kapiteni argjentinas i kishte kërkuar atij të mos luante dhe ishte zotuar se do ta dërgonte skuadrën në gjysmëfinale.
“Shkova në dhomën e Messit dhe ai më tha, ‘mos luaj, ne do të kalojmë në çerekfinale’. Do të kishte qenë ndeshja ime e fundit në një Kupë Bote, natyrisht nëse nuk do të thirresha për Botërorin e radhës pas katër viteve”, tha De Paul për Fox Sports.
“Messi më tha, ‘të premtoj se do të të çoj në gjysmëfinale, por mos rrezik të mbështet jashtë përnjëmend’. Nuk isha i sigurt a ta kundërshtoja apo jo. Ishte e vështirë sepse ai nuk ma tha këtë si kapiten, por si një mik apo vëlla i madh”, shtoi ai.
De Paul ishte titullar por u largua nga loja në minutën e 66-të, në mënyrë që ta shmangë përkeqësimin e lëndimit në kohën kur Argjentina po fitonte 2:0.
Rreth 10 minuta më vonë, Messi e dyfishoi epërsinë e argjentinasve, por dy gola të shpejtë nga Wout Weghorst bënë që ndeshja të shkonte në vazhdime e pastaj në penallti.
Argjentina fitoi në penallti dhe e siguroi gjysmëfinale, ku e mundi bindshëm 3:0 Kroacinë dhe pastaj Francën me penallti në finale për ta fituar Kupën e Botës 2022.
