Xavi tenton ta largojë presionin: PSG mbetet favoriti
Trajneri i Barcelonës Xavi Hernandez thotë se Paris Saint-Germain mbetet favoriti pavarësisht fitores në “Parkun e Princave”.
Barcelona shënoi fitore të madhe në udhëtim te PSG-ja në Francë duke triumfuar me rezultat 2:3, ndërsa tani do ta synojnë kualifikimin në gjysmëfinale të martën mbrëma.
Pas ndeshjes, Xavi u deklarua se është i lumtur për fitoren mirëpo shtoi se PSG-ja mbetet favoriti për të avancuar tutje.
“Besoj se PSG-ja mbetet favoriti. E kemi ngushtuar hapësirën sepse në mënyrë defansive kemi qenë solid”.
“Jam shumë krenar sepse ishte fitore ndaj një ndër skuadrave më të mira në botë. Jemi në gjysmën e rrugës”.
“Jam i lumtur si tifoz i Barcelonës, por ende nuk ka mbaruar. Është fitore e madhe. Është moment krenarie por do të kemi një sfidë të vështirë në Barcelonë”.
Përndryshe, Xavi kishte lëvdata edhe për qendërmbrojtësin Cubarsi, pra 17-vjeçarin që s’e la të lëvizte Kylian Mbappen.
“Është një nivel i jashtëzakonshëm. Fiton duele, pozicionet mirë, garon si një lojtar me eksperiencë... më bën krenar të luajmë me adoleshentë”.
Kujtojmë, përballja mes Barcelonës dhe PSG-së do të zhvillohet të martën me fillim nga ora 21:00, ndërsa fituesi do të avancojë në gjysmëfinale për t’u përballur me fituesin e takimit Manchester City – Real Madrid.
