Xavi në bisedime të avancuara me Milanin për ta zëvendësuar Fonsecan
Gazeta katalunase, El Nacional, raporton se ish-trajneri i Barcelonës, Xavi Hernandez, është në bisedime të avancuara me Milanin, për ta zëvendësuar Paulo Fonsecan.
Ish-mesfushori dhe trajneri i Barcelonës, Xavi thuhet se është në bisedime të avancuara me Milanin për t'u bërë trajner i tyre 'në të ardhmen e afërt'.
Ish-reprezentuesi spanjoll u largua nga Barcelona verën e kaluar dhe aktualisht është pa klub.
Sipas raportimit, drejtorët kuqezi synojnë të ndryshojnë filozofinë e ekipit dhe kanë identifikuar Xavin si një zëvendësues ideal për Fonsecan që nuk ka bindur aspak.
Megjithatë, burime italiane si TMW dhe Milannews këmbëngulin se thashethemet janë 'të pakonfirmuara' dhe theksojnë se është e paqartë nëse Milani po kërkon një zëvendësues të menjëhershëm për Fonseca ose një trajner të ri për sezonin 2024-25.
Me siguri, drejtuesit e klubit presin rezultate më të mira në muajt e ardhshëm pasi Milani është në vendin e 8-të në tabelën e Serie A me një ndeshje më pak dhe tashmë është 14 pikë prapa liderit Atalanta.
Fonseca u emërua nga Milani për të zëvendësuar Stefano Piolin verën e kaluar, duke nënshkruar një kontratë dyvjeçare me një opsion për një sezon të mëtejshëm.
