Webb e pranon se gjyqtari kryesor gaboi në ndeshjen kontraverse Manchester City - Tottenham
Shefi i gjyqtarëve në Premierligë (PGMOL) ka thënë se gjyqtari kryesor në ndeshjen Manchester City - Tottenham më 3 dhjetor, bëri gabim duke mos dhënë përparësi, pas një ndërhyrje të shkaktuar në Erling Haaland, vendim ky që ngjalli shumë reagime në rrjetet sociale.
Me ndeshjen në minutat shtesë, Jack Grealish i Cityt ishte në rast për gol kur gjyqtari Simon Hooper dha shenjë për një faull ndaj Haalandit, pasi më parë kishte dhënë përparësi për t'u vazhduar.
Disa lojtarë të Cityt rrethuan gjyqtarin për vendimin e tij për të ndërprerë lojën dhe klubi më vonë u akuzua nga FA për sjelljen e tyre.
"Po, është një gabim zyrtari," tha Webb në programin televiziv 'Match Officials: Mic'd Up'.
“Në këtë rast të veçantë, gjyqtari heh një sfidë mjaft të fortë dhe të pamatur nga Emerson Royal ndaj Haaland. Është në mesfushë dhe topi kthehet prapa. Ai bën punën e vështirë, ai vetëm heziton një moment për të parë nëse një avantazh është i mundur. Por ai e kupton në mendjen e tij, duke e menduar mirë, se ishte një sfidë e fortë, ishte e pamatur, ai do të duhet të bëjë kujdes."
Webb tha se Hooper ishte "i shkatërruar" nga gabimi.
“Kur je në fushë, nuk është aq e lehtë të shohësh mënyrën se si gjërat po zhvillohen siç është nga një pamje që ju e shihni”, shtoi ai.
