"Vjedhje", lojtarët e Almerias reagojnë pas humbjes nga Reali
Lojtarët e Almerias e kanë quajtur vjedhje, humbjen e tyre nga Real Madrid.
Real Madrid bëri një përmbysje të minutave të fundit, duke triumfuar nga 0:2 në 3:2.
Sidoqoftë, brenda pak minutave VAR-i vendosi dy herë në favor të Realit, duke e anuluar golin e Almerias e pastaj edhe pranuar golin e dytë të vendasve, që u shënua nga Vinicius Junior.
Kështu, pas ndeshjes lojtarët e Almerias “shpërthyen” duke e kritikuar publikisht vendimet e gjyqtarëve.
“Mendoj se dikush vendosi që ne nuk kemi të drejtë të fitojmë këtu dhe kjo ndodhi”.
“Nuk kam asgjë për të shtuar”, tha mbrojtësi Marc Pubill për “DAZN”.
🚨 Almería defender Marc Pubill: “I think that someone decided that we weren’t allowed to win here at Bernabéu today, and that’s what happened”.
— Fabrizio Romano (@FabrizioRomano) January 21, 2024
“Nothing more to say”, told DAZN. pic.twitter.com/WIP9DOjIjX
Kurse mesfushori Gonzalo Melero deklaroi se Real Madrid i vodhi ata.
“Sonte ata na vodhën neve. Më mërzit kjo. Asgjë më shumë nuk mund të bëhej që ata ta fitonin ndeshjen”.
Real Madrid tani është lider i vetëm në La Liga me 51 pikë, dy më shumë se Girona që përballet më vonë me Sevillan derisa Barcelona renditet në vendin e katërt me 41 sosh.
