Vinicius tregon se çfarë mendon për stilin e lojës së Mbappes
Vinicius Junior ka treguar se çfarë mendon për stilin e lojës së Kylian Mbappes, por që ka insistuar se ardhja e tij nuk do ta bëjë me çdo kusht Real Madridin të pandalshëm.
Vinicius Junior, i cili ka refuzuar një lëvizje jashtëzakonisht fitimprurëse në Arabinë Saudite, ka shprehur entuziazmin e tij për të luajtur me Mbappen pasi fituesi i Kupës së Botës u transferua te Mbretërit si lojtar i lirë pas largimit të tij nga Paris Saint-Germain. Dyshja ende nuk janë përshtatur më së miri, me Realin që barazoi një dhe fitoi një nga dy ndeshjet e tyre hapëse në La Liga, megjithëse Vinicius ka shprehur shpresën e tij se superylli do të fillojë të godasë rrjetën rregullisht, teksa ka treguar se i pëlqen stili i tij.
Ndërsa ka shpresa se Reali do të jetë në gjendje të garojë për çdo trofe këtë sezon, duke pasur parasysh peshën e madhe të talentit sulmues, ku radhët e tyre mburren me Vinicius dhe Mbappe si dhe Jude Bellingham, Rodrygo dhe Endrick - Vinicius nuk është i sigurt se ata do të jenë të pandalshëm.
Vinicius tha për CNN: “Më pëlqen stili i Mbappes, më pëlqen mënyra se si luan dhe e vërteta është se jam shumë i emocionuar për atë që mund të bëjmë gjatë sezonit. Ai vjen pasi ka shënuar kaq shumë gola, pasi ka fituar kaq shumë tituj. Ai po mbërrin në klubin ku gjithmonë ëndërronte të ishte dhe ku çdo lojtar gjithmonë ëndërron të luajë: Real Madrid. Me leje të Zotit, Mbappe do të jetë në gjendje të shënojë aq shumë gola për ne sa ka bërë në ekipin e tij të mëparshëm, si në ekipin kombëtar, dhe të mund të bëjë edhe më shumë së bashku me ne.”
Braziliani shtoi: "Ekipi është shumë i mirë dhe ka qenë i tillë për një kohë të gjatë tani. Tani me ardhjen e Mbappes, të gjithë thonë se skuadra mund të bëhet e pandalshme, por tani për tani, ne duhet të bëjmë stërvitjet më të mira dhe të përpiqemi për të kuptuar njëri-tjetrin sa më shpejt të jetë e mundur.”
Mbappe dhe Vinicius do të jenë sërish në fushë kur të luajnë me Las Palmas të enjten. Kundërshtarët e tyre nuk kanë fituar ende një ndeshje këtë sezon dhe Reali do të shpresojë t'i godasë ata më tej, për të vazhduar me fitore, pas nisjes së elitës spanjolle me një barazim ndaj Mallorcës së Vedat Muriqit.
