VIDEO: Pamje të reja tregojnë se nuk ishte penallti për Anglinë, Bukayo Saka luajti dorë disa sekonda më herët

Një kënd i ri i pamjeve tregon se VAR-i nuk e kishte vënë re lojën me dorë të Bukayo Sakas, vetëm pak sekonda pasi Harry Kane u pengua minimalisht në zonë, me gjyqtarët që vendosën të akordinin penallti për Anglinë.

Xavi Simons kaloi Holandën në avantazh në minutën e shtatë, duke shfrytëzuar gabimin e Declan Rice. Ky gol i hershëm krijoi skenën për një ndeshje të flaktë, me Anglinë që përpiqej të këndellej. Megjithatë, 11 minuta pas golit hapës të Holandës, Anglia u rikthye në lojë në rrethana të diskutueshme. Saka, duke manovruar me mjeshtëri në zonën e penalltisë, goditja e tij fillestare u bllokua. Por topi u kthye te Kane, i cili nuk shënoi, por më pas u faullua nga Denzel Dumfries. VAR-i ndërhyri dhe pas një rishikimi, gjyqtari akordoi një penallti për Anglinë dhe kapiteni i Anglisë e shndërroi në gol goditjen nga pika e bardhë për të barazuar rezultatin.

Megjithatë, prova të reja janë shfaqur, që tregojnë se pak para faullit në Kane, topi dukej se preku dorën e Sakës. Teksa gjuajtja e bllokuar e Sakas u kthye, dukej se pati kontakt dorën e djathtë dhe ndoshta krahun e majtë përpara se Kane të provonte gjuajtjen e tij. Kjo lojë me dorë nuk u vërejt nga zyrtarët e VAR-it, duke ndezur më tej polemika rreth vendimit të penalltisë.

Shkrimtari sportiv, Ewan MacKenna, ngarkoi një video të incidentit të lojës me dorë në X dhe shkroi: "VAR jo vetëm që nuk ishte në pozitë sipas udhëzimeve për t'i thënë gjyqtarit të shikonte monitorin për penalltinë e Kane, ai gjithashtu neglizhoi të kthente dy sekonda prapa për të treguar Sakën duke luajtur me dorë. Nuk mendoj se profesionistët që shikojnë TV mund të jenë aq të paaftë."

Not only was VAR not in position under guidelines to tell ref to look at monitor for Kane penalty, it also neglected to rewind two seconds to show Saka handballing it into his path. I really don't think pros looking at TV can be that incompetent. Stinks. #england #netherlands pic.twitter.com/fYZExwJnTK

— Ewan MacKenna (@EwanMacKenna) July 10, 2024

Debatet i shtuan edhe emërimi i Felix Zwayer si gjyqtar i ndeshjes. Zwayer, i cili më parë kishte vuajtur një dënim prej gjashtë muajsh për përfshirjen e tij në një skandal të trukimeve të ndeshjeve të vitit 2005, u përball me një shqyrtim të hollësishëm mbi përshtatshmërinë e tij për të drejtuar një ndeshje të tillë me nivelin më të lartë. UEFA e kishte shqyrtuar dhe mbështetur emërimin e tij, por vendimi i penalltisë ringjalli debate mbi besueshmërinë dhe gjykimin e tij.