VIDEO: De Gea arrin në Itali, testet mjekësore e ndajnë me klubin e madh të Serie A-së

David De Gea ka arritur në Itali, për të përfunduar testet mjekësore te Fiorentina, pasi janë pajtuar për kushtet personale, me spanjollin që i kthehet futbollit pas më shumë se 1 viti jashtë fushës.

Ish-lojtari i Atletico Madrid dhe Manchester United ka qenë një lojtar i lirë që kur marrëveshja e tij me skuadrën e Old Trafford skadoi në korrik 2023.

Ai nuk arriti të gjente një projekt që i interesonte mjaftueshëm derisa Viola erdhi së bashku me propozimin e tyre.

Pritet të jetë një kontratë njëvjeçare me vlerë 1 milionë euro në sezon plus bonuse, me një opsion për t'u zgjatur edhe për një vit tjetër me një pagë të dyfishuar prej 2 milionë euro plus shtesa.

Portieri është pritur pasditen e sotme nga mbështetësit në aeroport dhe më pas ka vazhduar në qendrën mjekësore.

Ai mbush 34 vjeç në nëntor dhe kishte qenë gjithashtu në negociata për një lëvizje në Serie A me Genoa dhe Monza këtë verë, por Fiorentina e Raffaele Palladino e fitoi garën.

Në dy edicionet e fundit të Ligës së Konferencës ka arritur në finale, së bashku me finalen e Kupës së Italisë në vitin 2023.