Veprim i papritur nga Toni Kroos, e njofton pensionimin nga futbolli
Tashmë një legjend në Real Madrid, Toni Kroos, ka marrë një vendim të papritur. Ai ka njoftuar pensionimin nga futbolli pas përfundimit të Kampionatit Evropian 2024.
Është raportuar në fillim të këtij muaji se Kroos ishte afër të binte dakord për një zgjatje të kontratës në Real, e cila do ta kishte parë atë të qëndronte në Santiago Bernabeu për sezonin 2024-25. Sidoqoftë, 34-vjeçari tani ka konfirmuar se do të përfundojë karriera e tij futbollistike me mbarimin e EURO 2024.
Kroos ka konfirmuar vendimin e tij në një deklaratë emocionale në Instagram, e cila thotë: "17 korrik 2014 - ditën e prezantimit tim në Real Madrid, dita që ndryshoi jetën time. Jeta ime si futbollist - por veçanërisht si person. Ishte fillimi i një kapitulli të ri në klubin më të madh në botë. Pas 10 vjetësh, në fund të sezonit ky kapitull përfundon. Nuk do ta harroj kurrë këtë kohë të suksesshme. Unë veçanërisht do të doja të falënderoja të gjithë ata që më mirëpritën me një zemër të hapur dhe më besuan. Por veçanërisht unë do të doja të ju falënderoja juve të Madridistas, për afërsinë dhe dashurinë tuaj që nga dita e parë deri në të fundit. Në të njëjtën kohë ky vendim do të thotë që karriera ime si një futbollist aktiv do të përfundojë këtë verë pas kampionatit Evropian. Siç kam thënë gjithmonë: Real Madrid është dhe do të jetë klubi im i fundit. Jam i lumtur dhe krenar, që në mendjen time gjeta kohën e duhur për vendimin tim dhe se mund ta zgjidhja vetë. Ambicia ime ishte gjithmonë për të përfunduar karrierën time në kulmin e nivelit tim të performancës. Tani e tutje ekziston vetëm një mendim kryesor: shkojmë për Ligën e Kampionëve të 15-të!!! HALA MADRID dhe asgjë më shumë!"
Kroos ka fituar një total prej 21 trofesh në Real Madrid që nga transferimi në klub nga Bayern Munich në 2014, duke përfshirë katër Liga të Kampionëve dhe katër tituj të La Liga. Ai do të ketë mundësinë të shtojë numrin e trofeve të tij evropian kur Real Madrid të takohet me Borussia Dortmund në finalen e këtij sezoni më 1 qershor, që do të jetë loja e tij e fundit me fanellën e famshme të bardhë.
Kroos do të përfundojë karrierën si një nga lojtarët më të mëdhenj në historinë e Real Madrid, pasi ka regjistruar 28 gola dhe 98 asistime në 463 paraqitje për klubin në të gjitha garat. Mesfushori veteran gjithashtu ka shijuar sukses të madh në nivelin ndërkombëtar, duke u bërë një herë fitues i Kupës së Botës në vitin 2014, dhe do të shpresojë të përfundojë karrierën e tij në mënyrën më të mirë të mundshme kur rreshtohet për Gjermaninë në Euro, me skuadrën e Julian Nagelsmann të vendosur për të filluar rrugëtimin kundër Skocisë më 14 qershor.
