Vazhdon tërbimi i Ronaldos, e shtyn një zyrtar të ekipit kundërshtar që donte selfie me të
Nervozizmi i yllit portugez, Cristiano Ronaldo, ka ardhur edhe një herë në shprehje, ku pas barazimit të Al-Nassr me Al-Khaleej, raportohet se ai ka shtyrë një anëtar të stafit të skuadrës kundërshtari, teksa ai po kërkonte një selfie me të.
Al-Nassr u ndal me një barazim 1:1 në shtëpi ndaj Al-Khaleej në Ligën Pro Saudite të hënën. Ishte një natë zhgënjyese për Ronaldon, të cili iu anulua një gol për pozicion jashtë loje dhe më pas përfundoi duke shtyrë një anëtar të stafit të dhomës së vizitorëve në përpjekjen e këtij të fundit për të bërë një selfie.
هدف ملغي لكريستيانو رونالدو بداعي التسلل ❌#النصر_الخليج | #SSC pic.twitter.com/Vhqj8IaTlt
— شركة الرياضة السعودية SSC (@ssc_sports) May 8, 2023
Ronaldo pati edhe një shans të mirë në këtë takim, ku goditi bukur nga distanca, por golin ia mohoi një pritje e jashtëzakonshme e portierit të skuadrës mysafire.
تسديدة كريستيانو رونالدو القوية 🥅#النصر_الخليج | #SSC pic.twitter.com/XXpWT2C8G6
— شركة الرياضة السعودية SSC (@ssc_sports) May 8, 2023
Barazimi është një goditje e madhe për shpresat për titull kampion të Al-Nassr, pasi ata tani janë tashmë pesë pikë prapa liderëve të Ligës Saudite të Pro, Al-Ittihad. Është gjithashtu ndeshja e dytë radhazi ku Ronaldo ka shfaqur zhgënjimin e tij. Reprezentuesi portugez u inatos pasi iu mohua një penallti herën e fundit kundër Al-Raed.
Al-Nassr ndeshjen e radhës do ta zhvillojë të martën, më 16 maj kundër Al-Te'ee në Ligën Pro Saudite, ku asnjë gabim nuk falet më, në rast se pretendojnë titullin kampion.
