Trepça pëson humbje të thellë ndaj Dijon në “FIBA Europe Cup”

Trepça ka debutuar me humbje në FIBA Europe Cup, duke pësuar në udhëtim te Dijon.

Mitrovicasit ishin të pafuqishëm ndaj gjigantit francez, ku u mposhtën me rezultat 118:73 (34:27, 28:12, 28:15, 28:19).

Trepça e nisi mirë çerekun e parë, pavarësisht që e mbylli me shtatë pikë disavantazh, duke dhënë shpresa se mund ta rivalizojnë klubin francez.

Sidoqoftë, pas atij çereku – Dijon ishte thjesht e pandalshme. Fillimisht e fituan me 16 pikë çerekun e dytë, pastaj 13 të tretin si dhe nëntë në fund për një fitore të thellë prej 118:73.

Kjo skuadër ka traditë të madhe në Francë ngase edhe e ka fituar titullin francez vitin e kaluar, ndërsa luan në ligën elitare që sa vite.

Mikaile Tmusic me 22 pikë, katër topa të kthyer e dy asistime, ndihmuar nga Hunter me 17 pikë ishin më të mirët në ndeshje, derisa te Dijon u dallua Mcuffie me 17 pikë, dy topa të kthyer e një asistim.

Në ndeshjen e radhës për FIBA Europe Cup, skuadra mitrovicase do të përballet me Ludwigsburg.