Trajneri i Inter Miamit tregon se a do të debutojë Messi të premten
Trajneri i Inter Miamit, Tata Martino, ka zbuluar planet e tij për Lionel Messin dhe Sergio Busquetsin përpara ndeshjes së kupës së ligës të premten kundër Cruz Azul.
Ish- yjet e Barcelonës u prezantuan nga Inter Miami të dielën e kaluar dhe dyshja pritet të debutojnë të premten në një përballje të Kupës së Ligës kundër Cruz Azul. Edhe pse trajneri Martino pranoi se të dy yjet janë të aftë për të hyrë në fushë, ai ishte i shqetësuar nëse ata do të fillojnë ndeshjen.
“Nga ajo që kam parë deri më tani ata janë të aftë për të luajtur dhe ka të ngjarë që të premten të jenë në fushë”, tha Martino. “Pavarësisht nëse kjo do të jetë si titullar apo do të hyjë në gjysmë, ne do të duhet ta marrim atë vendim ende, por siç e shoh unë, Leo si edhe Busi mund të luajnë [të premten],” tha ai për ESPN Futbol 12.
Martino beson se Messi do të vazhdojë të mbetet i uritur për më shumë trofe pasi ai është në një ligë të re e cila mbetet e pakonkurruar për të.
"Ajo që nuk ka ndryshuar është dëshira e tij për të vazhduar konkurrencën dhe fitoren. Mendoj se tregon një tipar shumë të spikatur që Leo ka si futbollist. Dëshira e tij e përhershme për të konkurruar dhe fituar. Mendoj se fitimi i Kupës së Botës i hoqi një peshë të madhe shpinës. Por dikush që e admiroj shumë më tha se po vjen në MLS me një valixhe të zbrazët, por pa të gjithë presionin që kishte në Barcelonë në 2010-2011 ose presionin e ekipit kombëtar. Tani, mendoj se do të gjej një version shumë konkurrues të tij, sepse ai ka nevojë të fitojë duke veshur këtë fanellë tani, pasi nuk ka fituar ende këtu", shtoi ai.
