Zyrtare: Tata Martino ribashkohet me Lionel Messin, merr drejtimin e Inter Miamit
Inter Miami ka njoftuar se ish trajneri i Barcelonës dhe Argjentinës Tata Martino është trajneri i ri i klubit.
Martino tani do të ribashkohet me Lionel Messin, me të cilin punoi gjatë sezonit 2013/14 te Barcelona, si dhe te kombëtarja argjentinase mes viteve 2014/16.
60-vjeçari ka edhe eksperiencë në MLS, meqenëse ka drejtuar Atlanta United (me të cilët fitoi Kupën në vitin 2018) dhe së fundmi ishte përzgjedhës i kombëtares së Meksikës në Kupën e Botës Katar 2022.
Bienvenido Tata 🏠⚽
— Inter Miami CF (@InterMiamiCF) June 28, 2023
El Club ha nombrado a Gerardo Martino como director técnico.
El técnico ganador de la MLS Cup y del premio al Entrenador del Año de la MLS, con experiencia con las selecciones de Argentina y México, FC Barcelona y más, se une al Club mientras se encuentra… pic.twitter.com/RVFTjlQnYw
“Tata është një ndër figurat më të respektuar të sportit, për të cilin rekordet flasin vetë”.
“Jemi të sigurt se arritjet e tij në ndeshje dhe eksperienca si trajner do ta inspirojë skuadrën tonë dhe tifozët dhe tani do të shikojmë përpara për efektin që do ta ketë brenda dhe jashtë fushës”, deklaroi presidenti i Inter Miamit David Beckham në komunikatën e klubit.
Përndryshe, Martino është pasuesi i Phil Nevilles, i cili u lirua nga detyra më herët këtë muaj.
