Trajneri i Chelseat, Maresca: Mbrojtja është çelësi për të fituar tituj

Trajneri i Chelseat, Enzo Maresca, ka thënë se çelësi për të luftuar për tituj këtë sezon, ka qenë mbrojtja e tyre, pavarësisht se pësuan tre gola kundër Tottenham Hotspur, të dielën.

Shkathtësia sulmuese e Chelseat i shpëtoi ata në fundjavë, pasi ata erdhën nga një disavantazh 2:0 për të fituar 4:3 në udhëtim te Spurs, por Maresca tha se merita për formën fituese të skuadrës në ligë i takon edhe mbrojtjes.

“Ju nuk do të fitoni ndeshje apo tituj vetëm duke shënuar gola, ju duhet të mbroheni”, u tha Maresca gazetarëve përpara ndeshjes së Ligës së Konferencës të enjten në Astana.

“Edhe pasi pësuam tre gola kundër Spurs, janë vetëm dy klube që kanë pësuar më pak se ne, kështu që do të thotë se edhe në mbrojtje po bëjmë mjaft mirë”.

Chelsea, është në vendin e dytë në renditjen e Premierligës me 31 pikë, dhe ka pësuar 18 gola në 15 ndeshje, me vetëm liderët Liverpool (11) dhe Arsenalin e vendit të tretë (15) që kanë pësuar më pak.

Skuadra e Marescas janë në formë dominuese edhe në Ligën e Konferencës, duke qëndruar në krye të tabelës me katër fitore radhazi. Por italiani nuk donte ta shihte Chelsean si favorit.

"Nuk ka të bëjë me ambicie. Unë jam mjaft ambicioz dhe lojtarët dhe klubi janë ambiciozë, por sipas mendimit tim, nëse mendoni për gjërat në katër ose pesë muaj, atëherë mund të humbni pak fokusin në të tashmen," tha ai.

Maresca tha se mbrojtësi 18-vjeçar i vlerësuar shumë, Josh Acheampong, ndoshta do të ketë fillimin e tij të parë për ekipin me trajnerin italian që planifikon të lërë disa lojtarë jashtë fluturimit tetë-orësh për në Kazakistan për t'u përballur me Astanën e vendit të 23-të.

"Ne kemi shumë lojtarë të rinj me ne dhe pjesa tjetër do të jetë këtu duke punuar," tha Maresca.

"Tetë orë nuk është një kohë normale [për të udhëtuar] për një lojë. Ne duhet të shkojmë atje. Ne duhet të luajmë dhe do të përpiqemi të bëjmë më të mirën, ndërkohë që mendojmë edhe për ndeshjen e ardhshme."

Chelsea vazhdon sezonin e tyre në Premierligë kundër Brentford të dielën.