Toni Kroos e zbulon një 'varësi' të Cristiano Ronaldos
Toni Kroos është kthyer pas në kohë, për të folur për Cristiano Ronaldon në Real Madrid, teksa zbuloi një varësi pozitive të portugezit.
Toni Kroos vendosi ta përfundojë karrierën e tij të shkëlqyer futbollistike këtë verë pasi u paraqit për Gjermaninë në Euro 2024. Ndërsa loja e tij lamtumire në futbollin e klubeve u shënua nga triumfi i Ligës së Kampionëve, për ekipin kombëtar, ajo përfundoi me një notë të dhimbshme. Gjermania u eliminua nga çerekfinalja e Kampionatit Evropian pas humbjes nga Spanja.
Legjenda e sapo pensionuar e Real Madrid foli kohët e fundit për kohën e tij te Mbretërit, ndërsa zbuloi fakte të panjohura për ish-bashkëlojtarin e tij Cristiano Ronaldo. Gjermani foli edhe për 'varësinë pozitive' të yllit të Al Nassr.
Duke folur për AS , 34-vjeçari tha: "Cristiano ishte në stërvitje kur mbërrita dhe ai ishte ende aty kur u largova. Të gjithë duam të fitojmë tituj dhe të shënojmë gola, por për të shënimi i golave ishte një varësi pozitive. Unë guxoj të them se kjo është ajo që ai dëshiron edhe në Arabinë Saudite”.
39-vjeçari është në formë të zjarrtë në sezonin aktual duke shënuar shtatë herë në tetë paraqitje në të gjitha garat. Ai do të luajë ndeshjen e radhës të shtunën teksa Al Nassr përballet me Al Orobah.
Ronaldo kohë më parë kishte thënë që ka synim të arrijë në shifrën e 1000 golave, teksa momentalisht me golin e fundit ka shënuar 904 gola në karrierën e tij me klub e kombëtare.
