Tonali: Të largohesha nga Milani ishte vendimi më i vështirë i karrierës
Mesfushori Sandro Tonali ka thënë se të largohet nga AC Milan ka qenë vendimi më i vështirë në karrierë.
23-vjeçari u largua nga “San Siro” duke iu bashkuar Neëcastle Unitedit në një marrëveshje prej 70 milionë eurove.
Pasi ateroi në aeroport të enjten në mesditë, Tonali u mikpritur nga gazetarë të shumtë, ku komentoi vendimin për t’u larguar nga “Rossonerët”.
“I takova njerëzit që më donin me të gjitha kushtet. Ishin po aq pozitivë edhe para se të shkoja aty”.
“Ishte vendimi më i vështirë i karrierës time, por i cili duhej të bëhej”.
“Milan më mikpriti si djalë dhe do të jem falënderues për pjesën e mbetur, nuk do ta harroj asnjëherë. I dua të gjithë bashkëlojtarët, gjithnjë do të jem tifoz sepse janë njerëz të artë. Ishte vendim që duhej bërë dhe e bëra në kohën e duhur”.
Tutje, italiani komentoi edhe deklaratën e Rafael Leaos i cili tha se asnjëherë nuk e ka pritur largimin e mesfushorit.
“Bisedova me Rafan para lajmeve dhe është normale që nuk presin këso gjërash, por si njerëz inteligjentë e kuptojnë dhe më uroi më të mirën”.
“Ishte verë e gjatë, vendimi ynë nuk vjen nga ky sezon por nga ata tre. Shpresoj që një ditë do të rikthehem te Milan dhe t’i shoh tifozët duke buzëqeshur”.
