Tjetër rekord nga Ronaldo, 39-vjeçari fiton dy herë më shumë se Messi

Cristiano Ronaldo ka thyer një tjetër rekord, pasi ai momentalisht fiton dy herë më shumë financiarisht se Lionel Messi, kështu duke kryesuar listën Forbes për futboll.

Është zbuluar se ylli portugez fitoi 218 milionë funte gjatë 12 muajve të fundit që e vendos atë në krye të listës me fitimet më të larta me mjaft distanca. Shifrat financiare të Ronaldos janë rritur gjatë 10 viteve të fundit, që kur ishte në krye të listave në vitin 2014 me fitime prej 55 milionë funte.

Kontrata mahnitëse e Ronaldos prej 170 milionë funte me skuadrën e Ligës Pro Saudite Al Nassr e ndihmon atë të kryesojë listën, ndërkohë që gjeneron 49 milionë funte nga marrëveshjet komerciale. Vlera e tij prej 218 milionë funtesh e sheh 39-vjeçarin të thyejë rekordin e tij kur bëhet fjalë për të ardhurat vjetore – të cilat ishin 199 milionë funte dhe vetëm ish-kampioni botëror i boksit Floyd Mayweather mund të pretendojë se ka fituar më shumë në një periudhë 12 mujore.

Tetë herë fituesi i Topit të Artë, Messi, qëndron shumë prapa rivalit të tij të përjetshëm në vendin e dytë në listën e Forbes, me ikonën argjentinase që fiton 103 milionë funte. Ylli i Inter Miamit është në krye të listave kur bëhet fjalë për fitimet jashtë fushës, pasi ai fitoi 57 milionë funte gjatë 12 muajve të fundit.

Nuk është befasi të zbulohet se lojtarët që luajnë në Arabinë Saudite dominojnë tabelën, me sulmuesin brazilian Neymar, sulmuesin francez Karim Benzema dhe anësorin senegalez Sadio Mane, të cilët luajnë në për Al Hilal, Al Ittihad dhe Al Nassr, respektivisht dhe e përbëjnë top 10 listën e më të pasurve në Forbes.

Dominimi i listës në La Liga është thyer kohët e fundit, me sulmuesit e Real Madridit, Kylian Mbappe dhe Vinicius Jr, të vetmit yje që luajnë në Spanjë për të mbushur pozitat në top 10. Janë tre përfaqësues të Premierligës, me yllin e Manchester City, Erling Haaland, kolegu i tij i klubit Kevin De Bruyne dhe ylli i Liverpoolit, Mohamed Salah.

Ndërsa fiton më shumë se dyfishin e asaj që sjell Messi, shifrat e Ronaldos gjithashtu eklipsojnë totalin e kombinuar të kandidatëve të gjashtë deri në të dhjetën në listën e Forbes. Kontrata aktuale e CR7 do të skadojë në vitin 2025, por ai pritet të nënshkruajë një zgjatje në Lindjen e Mesme dhe synon të luajë akoma për ca kohë, para se të njoftojë për pensionimin.