Tifozi i Atletico Madridit dënohet përjetësisht pasi goditi yllin e Real Madridit
Një tifoz është përjashtuar përgjithmonë nga Atletico Madrid, pasi kishte goditur me një mjet të fortë yllin e Real Madridit, Thibaut Courtois.
Courtois u pa duke festuar para ultrasve të Atletico Madridit kur Eder Militao i dha epërsinë Realit në derbin të dielën mbrëma. Menjëherë pas golit, portieri belg u godit me mjet të rëndë nga pas portës, duke bërë që ndeshja të pezullohej . Që atëherë, Atletico ka identifikuar dhe ndaluar një tifoz që ishte i përfshirë në dhunë.
Në një deklaratë, Atletico Madrid tha: "Klubi ka marrë vendimin për të dëbuar përgjithmonë personin e identifikuar dje nga policia, në bashkëpunim me departamentin tonë të sigurisë, i përfshirë në hedhjen e objekteve gjatë derbit. Departamenti ynë i sigurisë vazhdon të punojë me Policia të identifikojë pjesën tjetër të personave të përfshirë në hedhjen e sendeve, të cilët do të dëbohen përgjithmonë sapo të identifikohen”.
Atletico Madrid ka konfirmuar se do të vazhdojë të punojë me policinë për të identifikuar çdo tifoz tjetër që është përfshirë në kaos. Courtois tani ka marrë një dëmtim që mund ta lë atë jashtë fushës për ndeshjen e Real Madridit në Ligën e Kampionëve kundër Lilles këtë javë dhe ndeshjes në LaLiga në fundjavë.
